Türk Hava Yolları” 2018-ci il üçün planlarını açıqlayıb
"Ucnoqta.az" "Qafqazinfo"ya istinadən xəbər verir ki, “Türk Hava Yolları” aviaşirkəti 2017-ci ili uğurla başa vuraraq qarşısına cari il üzrə yeni hədəflər qoyur. 2018-ci ildə “Türk Hava Yolları”nın xabı İstanbulun üçüncü aeroportu olacaq (hazırda inşa olunan dünyanın ən iri hava limanı).
“Türk Hava Yolları”nın İdarə Heyətinin və İcrayyət Komitəsinin sədri İlker Aycının rəhbərliyi altında şirkətin Direktorlar Şurası tərəfindən təsdiqlənmiş konsolidə olunmamış büdcəyə əsasən, 2018-ci il üçün aviadaşıyıcının qarşısında növbəti hədəflər qoyulub:
Nəqliyyat şəbəkəsinin inkişafı
Daşınan sərnişinlərin ümumi sayı 74 milyona çatacaq ki, onlardan 33 milyonu daxili, 41 milyonu isə beynəlxalq aviareyslərdən yararlanacaq.
Reyslərin yüklənmə səviyyəsi 79-80% təşkil etdiyi halda kreslo-kilometrlərin sayı 2017-ci il ilə müqayisədə təxminən 5-6% artaraq və 183 milyarda çatacaq. Minik yerlərinin sayı Türkiyə üzrə 10%, Yaxın Şərq üzrə 9%, Avropa üzrə 6%, Uzaq Şərq üzrə 6%, Amerika üzrə 4% və Afrika üzrə 3% artacaq.
2018-ci ildə yükdaşımaların həcmi 21% artaraq 1,3 milyon tona çatacaq.
Maliyyə göstəriciləri (konsolidə olunmamış)
2018-ci ildə aviayanacağın istehlakı ötən illə müqayisədə 9% artacağı gözlənilir.
2018-ci ildə aviayanacağın orta qiyməti (hecləmə daxil olmaqla) 633 ABŞ dolları/ton təşkil edəcək.
Proqnoza əsasən, 2018-ci ildə şirkətin mədaxili 11,8 milyard ABŞ dolları təşkil edəcək.
Yerləşdirilmiş kreslo-kilometrin dəyəri (CASK), yanacağın dəyəri istisna olmaqla, 3-5% artacaq.
EBITDAR üzrə konsolidə olunmamış rentabellik (vergi, faiz, amortizasiya, icarə və lizinq xərclərinə ayırmalardan öncəki mənfəət) təxminən 21-22% təşkil edəcək, halbuki EBITDAR üzrə konsolidə olunmuş rentabellik 23-24% təşkil edəcək.