Haaqadakı Beynəlxalq Cinayət Tribunalı Mexanizmi Bosniya serblərinin keçmiş ordu komandanı, general Ratko Mladıçın vaxtından əvvəl azadlığa buraxılması ilə bağlı müraciətinin niyə rədd edildiyini açıqlayıb.
Ucnoqta.az xəbər verir ki, məhkəmənin məlumatına görə, Mladıç humanitar səbəblərdən, o cümlədən yaxınları ilə daha tez-tez görüşə bilməsi üçün vaxtından əvvəl azad edilməsini və Serbiyaya köçürülməsini istəyib.
Tribunalın nümayəndəsi TASS-a bildirib ki, qərar qəbul edilərkən Mladıçın tibbi yardımla tam təmin olunması və gündəlik ehtiyaclarının qarşılanması nəzərə alınıb. Qeyd olunub ki, ona göstərilən tibbi xidmət beynəlxalq minimum standartlardan əhəmiyyətli dərəcədə yüksək olub və onun sağlamlıq vəziyyəti və fundamental hüquqları nəzərə alınıb.
Məhkəmə həmçinin Mladıçın saxlanma şəraitində yaxınları ilə əlaqə saxlaması üçün “əhəmiyyətli imkanların” olduğunu bildirib.
Ratko Mladıç 27 avqustda Haaqadakı BMT həbsxanasında vəfat edib.