41
ABŞ Prezidenti Donald Tramp ABŞ Hərbi Dəniz Qüvvələri üçün xaricdə gəmi alınmasına imkan verən sərəncam imzalayıb.
Sənədə əsasən, ABŞ gəmiqayırma zavodlarına sərmayə yatıran xarici şirkətlərə ABŞ Hərbi Dəniz Qüvvələri üçün gəmiləri ölkə xaricində inşa etməyə icazə veriləcək.
Ucnoqta.az xəbər verir ki, “Reuters”in məlumatına görə, bu qərar son bir neçə onillik ərzində ilk dəfə ABŞ Hərbi Dəniz Qüvvələri üçün xarici istehsalçılardan gəmi alınmasına imkan yaradır.
Trampın imzaladığı sənədlə yanaşı, təyyarələrin, o cümlədən “Cerald Ford” sinfinə aid aviadaşıyıcılardan uçuşa buraxılması üçün buxar katapultlarından istifadənin bərpası da nəzərdə tutulur. Bu sistemlər daha müasir elektromaqnit buraxılış sistemləri – EMALS ilə əvəz edilmişdi.