Bir qrup vətəndaş “Aid-Group” xaricdə təhsil şirkəti və onun rəhbəri Nigar Fərhaddan şikayətçidir.
Ucnoqta.az xəbər verir ki, şikayətçilərdən Aliyə Əfəndiyevanın sözlərinə görə, sosial şəbəkələrdə şirkətin reklamlarını görüb, müraciət edib. O bildirib ki, üç övladının Kanadada təhsil alması üçün mart ayında Nigar Fərhadla müqavilə bağlayıb.
“17 min manat ödəyib müqavilə bağlamışdım. İndi isə nə özü, nə də əməkdaşları cavab verirlər. Əlimdə sənədlərimlə qalmışam”.
Ramin Bedimirzadə də ABŞ-də təhsil almaq üçün müqavilə əsasında 4350 manat ödədiyini bildirib. Onun sözlərinə görə, nə təhsil prosesi başlayıb, nə də ödədiyi məbləği geri ala bilib.
“Dedik ki, pulu yarı-yarı verək. Dedilər alınmır, hamısını verməlisiniz. Pulu verdik, indi də yoxdular” deyə, o əlavə edib.
Şikayətçilər bildirir ki, zərərçəkənlərin sayı çoxdur və dəymiş zərərin məbləği də kifayət qədər böyükdür.
Onlar başlarına gələnlərlə bağlı hüquq-mühafizə orqanlarına müraciət ediblər.
Qeyd edək ki, Nigar Fərhad “Kanal S”də “Sözün bitdiyi an” verilişinin aparıcısı kimi tanınıb.
Daha ətraflı “Xəzər TV”nin süjetində: