ABŞ-ın keçmiş prezidenti Co Bayden ömrünün sonuna qədər xərçənglə yaşayacaq.
Ucnoqta.az xəbər verir ki, həyat yoldaşı Cill Bayden bunu NBC News-a verdiyi müsahibədə açıqlayıb.
"Düşünürəm ki, ona prostat xərçəngi diaqnozu qoyulsaydı, bu, bir məsələ olardı, çünki bu, müalicə olunur. Lakin onun sümüklərinə metastaz verməsi bunu tamamilə dəyişdirir", – deyə Cill Bayden bildirib. "Ona görə də düşünürəm ki, Co ömrünün sonuna qədər xərçənglə yaşayacaq."
Keçmiş prezidentin həyat yoldaşının sözlərinə görə, xəstəlik artıq sümüklərinə yayılıb, lakin o, indi özünü yaxşı hiss edir.
Co Bayden 2025-ci ilin may ayında ona prostat xərçənginin aqressiv forması diaqnozu qoyulduğunu açıqlayıb. Daha sonra o, beş həftəlik şüa terapiyası keçirib. O, həmçinin 2025-ci ilin sentyabr ayında dəri xərçəngi üçün əməliyyat olunub.