İranla danışıqlarda əhəmiyyətli irəliləyiş əldə edilib –

ABŞ Dövlət Katibi Marko Rubio İranla danışıqlarda əhəmiyyətli irəliləyişlər olduğunu bildirib və gün ərzində bu məsələ ilə bağlı yenilikləri açıqlayıb.

Ucnoqta.az xəbər verir ki, o, bu açıqlamanı Hindistanın xarici işlər naziri Subrahmanyam Cayşankar ilə birgə mətbuat konfransında verib.

"İranla bağlı vəziyyətlə bağlı bu gün axşam saatlarında yeniliklərin olacağını gözləyirəm və bu barədə əlavə açıqlamalar verməyi Prezidentin öhdəsinə buraxıram. Demək kifayətdir ki, müəyyən irəliləyişlər əldə edilib, əhəmiyyətli irəliləyişlər əldə edilib, baxmayaraq ki, bu, son deyil", – deyə o bildirib.