2020-ci ildən 2023-cü ilə qədər qlobal miqyasda COVID-19-dan artıq ölüm halları 22,1 milyon nəfər təşkil edib ki, bu da rəsmi olaraq qeydə alınan ölüm hallarının sayından üç dəfə çoxdur.
Ucnoqta.az xəbər verir ki, bu barədə Ümumdünya Səhiyyə Təşkilatının (ÜST) dərc etdiyi 2026-cı il hesabatında deyilir.
Təşkilatın məlumatına görə, artıq ölüm halları qlobal miqyasda qeydə alınan ölüm hallarının sayı ilə əvvəlki illərin məlumatlarına əsasən pandemiyanın olmaması halında gözlənilən ölüm hallarının sayı arasındakı fərqdir.
"2020-ci ildən 2023-cü ilə qədər qlobal miqyasda COVID-19 pandemiyası ilə əlaqəli 22,1 milyon artıq ölüm halı qeydə alınıb ki, bu da rəsmi olaraq qeydə alınan 7 milyon ölüm halından təxminən üç dəfə çoxdur" -hesabatda deyilir.
Qeyd olunur ki, artıq ölüm halları koronavirusun daha ölümcül variantlarının ortaya çıxması və səhiyyə sistemlərinə artan yük səbəbindən 2021-ci ildə ən yüksək səviyyəyə – 10,4 milyon ölümə çatıb. ÜST-ün məlumatına görə, bu dövr ərzində kişilər arasında artıq ölüm halları qadınlara nisbətən daha yüksək olub. 2021-ci ildə kişilərin ölüm nisbəti qadınlara nisbətən təxminən 50% yüksək olub.
COVID-19 qlobal səhiyyə fövqəladə vəziyyəti 2020-ci ilin yanvar ayının sonundan 5 may 2023-cü ilə qədər qüvvədə olub. ÜST-ün məlumatına görə, 13 may 2026-cı il tarixinə dünyada 779 milyondan çox koronavirus infeksiyası və 7,1 milyondan çox ölüm halı qeydə alınıb.