Porsche 924-ün premyerası 30 noyabr 1975-ci ildə baş tutub.
Ucnoqta.az xəbər verir ki, o dövrdə Qərbi Avropanı bürüyən neft böhranı səbəbindən alman avtomobil istehsalçısı “Volkswagen” və “Audi” ilə əməkdaşlıqda büdcə modeli yaratmaq məcburiyyətində qaldı.
Tarixdə ilk dəfə olaraq yeni model ön tərəfə quraşdırılmış mühərrikə sahib idi. Buna nail olmaq üçün “Porsche” dizaynerləri maye ilə soyudulan “Volkswagen” mühərrikindən istifadə etdilər. Şirkət onu modifikasiya edərək gücünü 75-dən 125 at gücünə qədər artırdı. İdman avtomobili 10 saniyədə 100 km/saat sürətə çatdı və maksimal sürəti 200 km/saat idi.
Avtomobil “Audi” zavodunda istehsal edildi. “Porsche 924” sürücülər arasında sensasiyaya səbəb oldu, çünki indi onlar daha ucuza əsl “Porsche” almaq imkanı əldə etdilər. Məsələn, “Porsche 911” iki dəfə ucuz başa gəldi.
Daha tələbkar müştərilər üçün şirkət avtomobilin turboşarjlı versiyasını buraxdı. Bu “Porsche”nin gücü 170 at gücünə qədər artırıldı ki, bu da maksimal sürəti saatda 225 km-ə qaldırmağa imkan verdi.