Ağ Evin yaxınlığında atəş açan və iki Milli Qvardiya əsgərini yaralayan Əfqanıstan vətəndaşı əvvəllər keçmiş prezident Co Baydenin dövründə Əfqanıstandakı Mərkəzi Kəşfiyyat İdarəsi (MKİ) da daxil olmaqla ABŞ hökumət qurumları ilə əməkdaşlıq edib.
Ucnoqta.az xarici mətbuata istinadən xəbər verir ki, MKİ direktoru Con Retkliff bunu Fox News-a verdiyi müsahibədə bildirib.
"Bayden administrasiyası dövründə ABŞ qoşunlarının Əfqanıstandan fəlakətli şəkildə çıxarılmasından sonra, həmin administrasiya atıcının 2021-ci ilin sentyabrında ABŞ-a gəlişini onun ABŞ hökumətindəki əvvəlki işlərinə, o cümlədən xaosdan qısa müddət sonra başa çatan Qəndəharda ABŞ-a kömək edən qüvvənin üzvü kimi MKİ ilə işinə istinad etməklə əsaslandırıb", – deyə o bildirib.
Retkliff əlavə edib ki, Milli Qvardiya əsgərlərinə hücum edən şəxsə heç vaxt ABŞ-a giriş icazəsi verilməməli idi.
ABŞ prezident administrasiyasının rəsmisi "Reuters"ə bildirib ki, onaa Trampın yenidən seçilməsindən sonra 2025-ci ildə ABŞ-da sığınacaq verilib. Onun heç bir cinayət qeydi olmayıb.