İsrail 100 kiloqramlıq bomba hücumunun qarşısını alıb

İsrail kəşfiyyat xidmətləri İordan çayının qərb sahilində 100 kiloqramlıq bombadan istifadə edərək terror aktının qarşısını alıb.

Ucnoqta.az xəbər verir ki, bu barədə Ynet xəbər portalı İsrail Təhlükəsizlik Xidmətinə istinadən məlumat yayıb.

Məlumata görə, təhlükəsizlik qüvvələri keçən ay Cenin yaxınlığındakı Qabatiya bölgəsində terror təşkilatını dağıdıb və onun böyük terror aktları törətməyi planlaşdıran üzvlərini həbs ediblər.
Qeyd olunur ki, İsrail Müdafiə Qüvvələrinə (IDF) qarşı istifadə etmək üçün silahlılara verilmiş 100 kiloqramlıq güclü partlayıcı qurğu zərərsizləşdirilib.