Çin Xalq Respublikasının Silahlı Qüvvələri yüksək döyüş hazırlığı vəziyyətindədir və öz ölkələrinin suverenliyini qətiyyətlə müdafiə edəcək. Çin dənizinin cənubunda sülh və sabitliyi təmin edəcək.
Ucnoqta.az xəbər verir ki, bu barədə Xuanqyan rifi ərazisində Filippin təyyarəsi ilə son insidenti şərh edən Çin Xalq Azadlıq Ordusunun Cənub Bölgəsi Döyüş Komandanlığı məlumat yayıb.
“Avqustun 8-də Filippin Hərbi Hava Qüvvələrinə məxsus iki NC-212 təyyarəsi Çin tərəfinin dəfələrlə etdiyi xəbərdarlıqlara baxmayaraq, Cənubi Çin dənizindəki Huangyan rifinin hava məkanına qeyri-qanuni daxil olub”, – deyə məlumatda bildirilir.
Filippin tərəfinin hərəkətlərinə cavab olaraq, Çin ordusu obyekti müəyyən etmək və onun hərəkətini izləmək üçün hava və dəniz qüvvələrini səfərbər edib.
"Biz birbaşa Filippin tərəfinə bəyan edirik ki, o, pozuntuları və təxribatları dərhal dayandırmalı, təhrif və spekulyasiyalardan əl çəkməlidir. Döyüş Komandanlıq Zonasının qoşunları daim yüksək hazırlıq vəziyyətindədir, milli suverenliyi və təhlükəsizliyi qətiyyətlə müdafiə edir, Cənubi Çin dənizində sülh və sabitliyi qoruyur” – məlumatda bildirilib