“Titanik”in qəzaya uğradığı yerə üzən sualtı qayığın axtarışında sualtı səslər aşkar edilib.
Ucnoqta.az Türkiyə mətbuatına istinadən xəbər verir ki, ABŞ Sahil Mühafizəsi Kanada ordusunun ekipajlarının 1912-ci ildə aysberqə çırpılaraq Atlantik okeanında batan Titanik gəmisinə turistik ekspedisiya zamanı itən sualtı qayığı axtararkən suyun altından səslər eşitdiyini bildirib.
Səslərin sualtı qayığa aid olub-olmadığı hələ müəyyən olmasa da, sözügedən səslərin 30 dəqiqəlik fasilələrlə eşidildiyi və bölgədəki axtarışlarda hələlik müsbət nəticə əldə olunmadığı bildirilib.
Digər tərəfdən ABŞ Sahil Mühafizəsi 5 nəfərin olduğu sualtı qayıqda 28 saat oksigenin qaldığı məlumatını yayıb.
Bildirilir ki, sualtı qayıqla “Titanik”in qalıqlarına dalmağın daxil olduğu 8 günlük tur bileti 250 min dollardır.