"Trendyol”un saytından birbaşa Azərbaycana sifariş olunacaq bağlama çəki və məhsul sayından asılı olmayaraq, hər bir markaya görə daşınma xərci 59, 99 lirəyə başa gələcək”.
Bunu Qaynarinfo-ya açıqlamasında marketoloq Pərviz Əzimov deyib. O bildirib ki, sirafiş olunacaq bağlamalarda çəki fərqi yoxdur:
"Yəni, hər bir alıcı eyni markadan 3-4 ədəd sifariş edə bilər və həmin baglama Azərbaycana 59.99 lirəyə daşınacaq. Məsələn, siz bir markadan 10 məhsul sifariş etsəniz, onun çəkisi 1-10 kiloqram arasında dəyişməsindən asılı olaraq, bağlamanın Azərbaycana daşınma xərci stabildir. İkinci bir markadan məhsul sifariş olunsa, onda həmin bağlamaya görə də 59.99 lirə ödəniləcək”.
Pərviz Əzimov deyir ki, gələcəkdə bu qiymətlərin dəyişib-dəyişməyəcəyi sual altındadır:
"Trendyol”un öz siyasəti var. Elə məhsul var ki, karqonu pulsuz edə bilər və yaxud da baha, ya da uçuz ola bilər. "Trendyol”dan sifariş olunan bütün bağlamalar Azərbaycana kimi izləniləcək. Sifariş edən şəxslər məhsulunun harada olmasından xəbər tuta biləcəklər”.
Ekspert bildirib ki, hazırda "Trendyol”un saytından bütün məhsulların birbaşa Azərbaycana daşınması mümkün deyil.