Sudan ordusunun bölmələri ilə xüsusi təyinatlılar arasında baş verən toqquşmalarda 180-dən çox insan həlak olub, 1800-dən çox insan yaralanıb.
Ucnoqta.az xəbər verir ki, bu barədə bazar ertəsi “Əl-Cəzirə” telekanalı BMT baş katibinin Sudan üzrə xüsusi nümayəndəsi və BMT-nin Sudanda Keçid Dövrünə Dəstək Missiyasının rəhbəri Volker Pertesə istinadən məlumat verib.
Məlumata görə, dünya təşkilatı "tərəfləri hərbi əməliyyatları dayandırmağa inandırmağa" çalışır. Pertesin sözlərinə görə, BMT-nin baş katibi Antonio Quterreş Sudan ordusunun komandanı Əbdülfəttah əl-Burhan və xüsusi təyinatlıların rəhbəri Məhəmməd Həmdan Daqalo (Hamidti) ilə əlaqə saxlayıb və “onları döyüşləri dayandırmağa çağırıb”.
"Müharibə edən tərəflərin vasitəçilik istəmədiyi görünmür, hər iki tərəf digərini təslim olmağa çağırır", – Perthes deyib. O əlavə edib ki, sabah BMT nümayəndələri “atəşkəsi uzatmağa çalışacaqlar” və daimi razılığın əldə olunması üçün çalışacaqlar.