Fransa və İtaliya iyun ayına qədər SAMP/T-Mamba hava hücumundan müdafiə raket sistemlərini Ukraynaya çatdıra bilməyəcək.
Ucnoqta.az xəbər verir ki, bu barədə "Politico" qəzetinin Avropa nəşri Pentaqonun sızan məxfi sənədlərinin tədqiqi nəticəsində məlumat verib.
"Sənədlərdən biri göstərir ki, Fransa fevralın 22-də İtaliyaya hava hücumundan müdafiə raket sistemlərinin Ukraynaya birgə təhvil verilməsinin iyun ayına qədər baş verməyəcəyi barədə məlumat verib. Bu, bu hava hücumundan müdafiə sistemləri üçün elan edilmiş çatdırılma tarixlərinin sonudur. İtaliya və Fransa 2023-cü ilin yazında təhvil verəcəklərini vəd ediblər”, – məlumatda deyilir.
Nəşr qeyd edir ki, fevralın 23-nə Ukrayna vəd edilmiş 200 müxtəlif tipli tankın 31%-ni artıq alıb.
Qəzet onu da qeyd edir ki, NATO ölkələrinin vəd etdiyi 200 tank, Kiyevin “yaz əks-hücum”u üçün tələb etdiyindən 53 tank azdır.