“Mançester Yunayted” “Barselona”nın gənc futbolçusuna 200 milyon dollar təklif etdi

İngiltərənin “Mançester Yunayted” klubu İspaniya “Barselona”sını futbolçusu Ansu Fatini transfer etmək istəyir.

“Report” “Mundo Deportivo” nəşrinə istinadən xəbər verir ki, “qırmızı şeytanlar” 18 yaşlı hücumçu üçün qarşı tərəfə 200 milyon ABŞ dolları ödəməyə hazırdır.

İddiaya görə, yaxın günlərdə Qvineya əsilli ispaniyalı forvard üçün Kataloniya təmsilçisinə rəsmi təklif göndəriləcək.

Qeyd edək ki, A.Fati ötən mövsüm İspaniya La Liqasında 24 oyun keçirib və 7 qol vurub.