Vergilər Nazirliyi 154279 vergi ödəyicisinin 2285354,8 min manat məbləğində borcunu ləğv edib.
"Ucnoqta.az" “Ölkə.Az”a istinadən bildirir ki, bu rəqəm Nazirlər Kabinetinin hesabatında qeyd olunub. Həmçinin qeyd olunur ki, Vergilər Nazirliyinin Apellyasiya Şurasının icraatında 2017- cı il ərzində 55 şikayət olub: “Bunlardan 9-u səyyar vergi yoxlamaları, 22-si kameral vergi yoxlamaları , 13-ü operativ vergi nəzarəti tədbirləri, 11-i digər məsələlər ilə bağlı olub.
2017- ci il ərzində 163 314 vergi ödəyicisinin 1912624,9 min manat məbləğində borcu yaranıb: “ Eləcə də 154279 vergi ödəyicisinin 2285354,8 min manat məbləğində borcu ləğv edilib. Ləğv edilmiş borclardan 907 868,7 min manatı tam, 1377486,1 min manatı isə qismən olub. 01.01. 2017- ci il tarixlə müqayisədə 01.01.2018-ci il tarixə dövlət büdcəsinə olan borcun ümumi məblıği 372721,6 min manat və ya 26,4 faiz azalıb.