Bakı-Quba yolunda iki maşın toqquşub, ölən və xəsarət alan var

Bakı-Quba-Rusiya Federasiyası yolunda ölümlə nəticələnən yol-nəqliyyat hadisəsi baş verib.
 
Ucnoqta.az APA-ya istinadən bildirir ki, hadisə magistralın 73-cü km-də, Xızının Giləzi qəsəbəsi ərazisində qeydə alınıb. “Shacman” markalı yük maşını ilə “Skoda” markalı minik maşını toqquşub. Qəza nəticəsində İsmayılov Nizami Qulu oğlu ölüb, Cabbaova Süriyyə Vəli qızı isə xəsarət alıb.
 
Faktla bağlı Baş Dövlət Yol Polis İdarəsinin istintaq və təhqiqat bölməsində cinayət işi açılıb, araşdırmalar davam etdirilir.