"Artıq pensiyaların maliyyələşdirilməsində dəqiq bölgü prinsipi var. Pensiyaların 1992-ci ilədək olan stajlar üzrə formalaşma öhdəlikləri, o cümlədın dövlət qulluqçuları, hərbi qulluqçular və bu kateqoriyadan olan şəxslərin pensiyalarına verilən əlavələr dövlət büdcəsinin öhdəlikləri hesab edilib”. Modern.az-ın məlumatına görə, bunu 2018-ci il üzrə Azərbaycanın dövlət büdcəsinin layihəsinin parlamentdə müzakirəsi zamanı əmək və əhalinin sosail müdafiəsi naziri Səlim Müslümov deyib.
Nazir bildirib ki, Azərbaycanda 1992-ci ilədək stajlar üçün pensiyaların hesablanması ilə bağlı xüsusi hökumət komissiyası yaradılacaq.
“Hazırda biz Maliyyə Nazirliyi ilə birlikdə 1 mln. 330 min nəfərin pensiyaçının hər birinin pensiya işi araşdırılır. Yaxın zamanlarda Nazirlər Kabinetinin xüsusi qərarı ilə hökumət komissiyası yaradılaaq. Nəzərdə tuturuq ki, 6 ay ərzində 1 mln. 330 min pensiyaçının hər birinin işinə baxılacaq və hər bir pensiya işində 1992-ci ilədək nə qədər staj varsa o tapılacaq və bu stajlar üzrə ödənişlər hesablanacaq. Bildirək ki, 1992-ci ildən də əvvəldən başlayaraq 2016-cı ilədək hər bir il staj üçün 4,16 manat verilir. 1992-ci ilədək dövrdə sosial sığorta sistemi olmayıb, lakin hökumət həmin dövr üçün pensiya verməyi bir öhdəlik kimi üzərinə götürdüyü üçün bu dövlət büdcəsinin öhdəliyi sayılır. Komissiya işini bitirdikdə tam məbləğ ortaya çıxacaq. DSMF olaraq hesablamışıq. Lakin bu borc dövlət büdcəsinin borcu olduğu üşün belə qərar gəldik ki, xüsusi komissiya yaradılsın. Düşünürü ki, 6 ay ərzində bu prosesi yerinə yetirmək olar. Bundan sonra hər ilin büdcəsində dəqiq yazılacaq ki, dövlət büdcəsinin öhdəlikıəri nə qədərdərdir və nəyin hesabına formalaşır”.