“Bərkgedən”lər yolu zəbt edib: Tədbir görüləcək? – FOTO

Ucnoqta.az xəbər verir ki, bu barədə Bakının Nərimanov rayon sakini milli.az-a müraciət edərək Ağa Nemətulla küçəsində, 45 saylı orta məktəblə üzbəüz ərazidə minik avtomobillərinin sahibləri tərəfindən piyada səkisinin zəbt olunmasından şikayət edib: "Bu qanun pozuntusu daim müşahidə edilir, lakin heç bir tədbir görülmür. Çoxu da "bərkgedən"lərin maşınlarıdır. Qanun hamı üçün qanundursa, qoy onları da cəzalandırsınlar ki, başqalarına da dərs olsun". Məsələ ilə bağlı Bakı Şəhər Dövlət Yol Polisi İdarəsinin bölmə rəisi, polis polkovniki Vaqif Əsədov bildirib ki, edilən şikayətlər bağlı zəruri tədbirlər görüləcək: "Təbii ki, bu dayanma-durma qaydalarının kobud şəkildə pozulması deməkdir və sürücülər buna görə qanuna əsasən məsuliyyətə cəlb ediləcəklər. Lakin bu cür məsələləri təkcə yol polislərinin öhdəsinə buraxmaq da yetərli deyil. Gərək ictimai qınaq da olsun. Bu cür hallara qarşı mübarizə aparmaq üçün onları kütləvi informasiya vasitələrində işıqlandırmağa ehtiyac var".