Ukraynanın Haaqadakı səfiri Andrey Kostin Niderland hökumətini ölkəyə təcili olaraq 2 milyard avro hərbi yardım ayırmağa çağırıb.
Ucnoqta.az xəbər verir ki, bu barədə «de Volkskrant» qəzeti məlumat yayıb.
Diplomatın sözlərinə görə, Kiyevə Rusiya tərəfindən ballistik və hipersəs raketlərinə qarşı müdafiəni gücləndirmək üçün istənilən yardım lazımdır. Niderland hakimiyyəti son vaxtlar dəfələrlə raketlərin qarşısının alınması üçün vasitələrin çatışmazlığına diqqət çəkib.
Kostin hesab edir ki, hazırda büdcə ilə bağlı müzakirələr aparan Niderland hökuməti daha əvvəl Ukraynaya ayırmağı vəd etdiyi, lakin sonrakı tarixlərdə təqdim edilməsi nəzərdə tutulan vəsaitdən 2 milyard avronu vaxtından əvvəl ayıra bilər.
Səfirin fikrincə, bu vəsaitin bir hissəsi raketləri havada məhv edə bilən dronların istehsalına yönəldilə bilər. Qəzet onların Ukraynada, yoxsa digər ölkələrdə istehsal olunacağının dəqiqləşdirilmədiyini bildirir.