İsrailin hakim “Likud” partiyasının üzvləri bazar ertəsi praymerizdə səs verirlər. Səsvermə zamanı oktyabrın 27-də keçiriləcək parlament seçkilərində partiyanın namizədlər siyahısı müəyyənləşdiriləcək.
Ucnoqta.az xəbər verir ki, bu barədə I24 telekanalı məlumat yayıb.
Siyahıda ilk yer baş nazir Binyamin Netanyahu üçün ayrılıb. O, namizədlər siyahısının ilk 30-luğuna daha səkkiz siyasətçini təyin edə bilər.
“Likud”un praymerizləri üzrə seçki məntəqələri İsrail ərazisində saat 21:00-dək açıq olacaq. Səsvermədə partiyanın 140 minədək qeydiyyatdan keçmiş üzvü iştirak edə bilər.
“The Times of Israel” yazır ki, Netanyahu öz yeri ilə yanaşı, “Likud”un seçki siyahısının ilk onluğuna daha üç, ikinci onluğuna üç, üçüncü onluğuna isə iki namizəd təyin edə bilər.
Nəşrin məlumatına görə, baş nazir artıq xarici işlər naziri Gideon Saar və müdafiə naziri İsrael Katz üçün siyahıda yerləri təmin edib.