Dünən gecə Almaniyada rekord səviyyədə isti olub və 29,4 dərəcə Selsiyə çatıb.
Ucnoqta.az bildirir ki, DPA Almaniya Hava Xidmətinin (DWD) ilkin məlumatlarına istinadən xəbər verir.
Rekord şərqi Saksoniyadakı Kubşütz bələdiyyəsində qeydə alınıb. Meteoroloqlar Kubşützdəki (Saksoniyanın Bautzen rayonunda) isti gecəni onun Almaniyanın Mittelgebirge bölgəsində yerləşməsi ilə əlaqələndirirlər. Cənub küləklərinin üstünlük təşkil etməsi səbəbindən şimal yamaclarında yüngül fen effekti – dağlardan vadiyə əsən isti, quru külək – baş verib.
27 iyunda Almaniya Hava Xidməti (DWD) Almaniyanın rekord səviyyədə istiliyinin 41,5 dərəcə Selsi olduğunu bildirib. Bu, ölkənin rekord temperaturu qeydə aldığı ikinci gündür. Cümə günü DWD Saarbrücken-Burbachda 41,3 dərəcə Selsi temperaturu qeydə alıb ki, bu da Almaniyada indiyə qədər qeydə alınan ən yüksək temperaturdur.
Artıq bir neçə gündür ki, Almaniyada isti hava dalğası temperaturu 40 dərəcə Selsi və daha yuxarı səviyyədə saxlayıb və sakinlərin şiddətli istidən əziyyət çəkməsinə səbəb olub.