"Barselona" "Real Madrid" prezidenti Florentino Perezi Kataloniya klubuna qarşı irəli sürülən korrupsiya iddialarını geri götürməyə məcbur etmək üçün barışıq ərizəsi təqdim edib.
Ucnoqta.az xəbər verir ki, bu barədə "Barselona"nın mətbuat xidməti məlumat verib.
"Barselona" "Real Madrid" prezidenti Florentino Perezi 12 mayda keçirilən mətbuat konfransında və ertəsi gün mediaya verdiyi müsahibədə verdiyi açıqlamalarla əlaqədar olaraq böhtan iddiası qaldırmazdan əvvəl lazımi barışıq ərizəsini təqdim edib.
Bu ərizənin məqsədi cənab Perezi klubun imicinə və nüfuzuna xələl gətirən və böhtan xarakterli yalan ifadələrini geri götürməyə məcbur etməkdir. Əgər bu tələb lazımi qaydada təmin edilməzsə, "Barselona" müvafiq cinayət işi qaldıracaq", – deyə "Barselona"nın bəyanatında bildirilir.
May ayında Peres "Barselona" ilə bağlı "Neqreyra məsələsi" barədə danışıb. O, İspaniya liqasının idarəetmə orqanının onun klubunun düşməni olduğunu, "Barselona"nın isə həmişə qalib gəldiyini və liqanın hakimlərinin kataloniyalıların hesabına varlandığını iddia edib.