3
Cümə axşamı günü ABŞ Kosmik Qüvvələrinin Kanaveral burnundakı bazasından naməlum raket atılıb və Atlantik okeanı üzərindəki səmada ağ bir iz buraxıb.
Ucnoqta.az bildirir ki, bu barədə Florida Today portalı məlumat verib. Lakin, buraxılışla bağlı rəsmi açıqlama verilməyib.
Nəşrin məlumatına görə, buraxılış yerli vaxtla təxminən saat 12:30-da baş tutub, halbuki əsas kosmik buraxılış operatorlarından heç biri həmin vaxt uçuş planlaşdırmayıb.
Qarşıdan gələn buraxılışın yeganə dolayı əlaməti Sahil Mühafizəsi və Daxili Təhlükəsizlik Departamenti tərəfindən okeanın şərq hissəsində tətbiq edilən qeyri-adi naviqasiya məhdudiyyət zonası olub. Florida Today-in ABŞ Müdafiə Nazirliyinə etdiyi sorğular cavabsız qalıb.