KTMT-nin baş katibinin yeni müavini təyin edilib

Qırğızıstanı təmsil edən Mirlan Turqunbekov Kollektiv Təhlükəsizlik Müqaviləsi Təşkilatının (KTMT) baş katibinin müavini təyin edilib.

Ucnoqta.az xəbər verir ki, müvafiq fərman Qırğızıstan prezidenti Sadır Japarov tərəfindən imzalanıb.

Qırğızıstandan olan təşkilatın əvvəlki baş katibinin müavini Taalətbek Masadıkov 2025-ci ilin sonunda KTMT üzv dövlətlərinin dövlət başçılarının qərarı ilə baş katib təyin edilib.