Bir çox mütəxəssis duzun həddindən artıq istehlakının müxtəlif sağlamlıq problemlərinə, o cümlədən qan təzyiqinin artmasına, böyrək və ürək xəstəliklərinə səbəb ola biləcəyini iddia edir. Ancaq digər tərəfdən duz bədənimiz üçün də lazımdır. Qızıl ortanı necə tapmaq olar?
Ucnoqta.az xəbər verir ki, tibb elmləri namizədi, dietoloq Andrey Bobrovski natriumun duzun ən təhlükəli komponenti olduğunu vurğulayır. Sağlamlığa mənfi təsir göstərə bilər.
"Adi xörək duzu natrium və xlordan ibarətdir, Himalay çəhrayı, yodlaşdırılmış və ya qaya duzu kimi pəhriz duzlarında natrium kaliumla əvəz olunur", – ekspert Radio 1-ə müsahibəsində deyib.
Bobrovskinin sözlərinə görə, duz istehlakı ilə bağlı tövsiyələr daim yenidən nəzərdən keçirilir, çünki onun orqanizmə mənfi təsirləri haqqında yeni məlumatlar ortaya çıxır.
"Duz istehlakı normaları mütəmadi olaraq azaldılır. Onlar müxtəlif ölkələrdə fərqli ola bilər, lakin ümumiyyətlə, gündə 5-2 qramdan çox olmayan duz istifadə etmək tövsiyə olunur. Yadda saxlamaq lazımdır ki, duzun əhəmiyyətli hissəsi orqanizmə duz qablarından deyil, emal olunmuş məhsullardan daxil olur. Biz onun dadını hiss etməyə bilərik, amma qida rasionumuzda hələ də var. Ehtiyatlı olun", – deyə Bobbrovski xəbərdarlıq edir.