Heç kimə sirr deyil ki, qoz-fındıq insan orqanizmi üçün sağlam bir məhsuldur.
Ucnoqta.az xarici mətbuata istinadən xəbər verir ki, bu yaxınlarda aparılan bir araşdırma, onlardan hansının istifadəsinin mədə-bağırsaq traktının qoruyucu funksiyalarını artırdığını göstərib.
Könüllülər üzərində aparılan araşdırma nəticəsində məlum olub ki, Braziliya qoz-fındıqlarının pəhrizə daxil edilməsi bağırsaqların işinə kömək edir.
Bu məhsulu təşkil edən maddələr bağırsaqlarda qoruyucu maneə əmələ gətirir, toksinlərə və patogen mikroorqanizmlərə qarşı müqavimət göstərir, iltihab prosesinin qarşısını alır.
Müvafiq araşdırmanın nəticələri “Journal of Nutrition” platforması tərəfindən dərc edilib.
Mütəxəssislərin fikrincə, terapevtik effekt Braziliya qozunu təşkil edən çoxlu miqdarda vitamin və mikroelementlər sayəsində əldə edilir.
O cümlədən bədəni antioksidantlarla doyuran selenium.
Qiymətli bitki birləşmələri sərbəst radikallarla mübarizə aparır və xərçəngin inkişafının qarşısını alır.
Eyni zamanda, yüksək kalorili məzmunu unutmadan hər gün cəmi bir neçə qoz-fındıq istehlak etmək kifayətdir.