3
Banqladeşin baş naziri Şeyx Hasina istefa verib.
Ucnoqta.az xəbər verir ki, “Reuters” bu barədə respublikanın Nyu-Dehlidəki səfirliyinə istinadən məlumat yayıb.
Daha əvvəl Banqladeşin baş naziri Şeyx Hasina hərbi helikopterlə Hindistana uçduğu məlumatı yayılmışdı.
Agence France-Presse (AFP) Şeyx Hasinaya yaxın mənbəyə istinadən onun bacısı ilə birlikdə daha təhlükəsiz yerə sığınmaq üçün Dəkkədəki iqamətgahını tərk etdiyini bildirib.
Avqustun 4-də Banqladeşin Dəkkə və digər şəhərlərində hökumət əleyhinə etirazlar yenidən başlayıb. Etirazçılar Şeyx Hasinanın istefasını tələb edirlər. Hakimiyyət bazar ertəsindən etibarən respublikada komendant saatı və üç gün istirahət elan edib.///tass