0
Şimali Koreya Honq-Konq və Liviyadakı diplomatik nümayəndəliklərini bağlayıb.
Ucnoqta.az xəbər verir ki, bu barədə Yonhap agentliyi Cənubi Koreya Xarici İşlər Nazirliyinin əməkdaşına istinadən məlumat yayıb.
Koreya Respublikasının hesablamalarına görə, KXDR 2023-cü ilin ikinci yarısından bəri doqquz diplomatik qurumu bağlayıb. Seul onların sayının 44 olduğunu deyir.
Bundan əvvəl KXDR-in Anqola, Banqladeş, Qvineya, İspaniya, Nepal, Seneqal və Uqandadakı səfirlikləri fəaliyyətini dayandırıb.