1
Çin Xalq Azadlıq Ordusunun ən azı 10 uçan aparatı səhər saatlarında Tayvanın hava hücumundan müdafiə identifikasiya zonasına daxil olub.
Ucnoqta.az xəbər verir ki, bu barədə Tayvan müdafiə departamentinin saytında yerləşdirilən məlumatda deyilir.
Məlumata görə, bura PUA -lar, o cümlədən J-10 və J-16 qırıcıları, Y-8 təyyarəsi, H-6 strateji bombardmançı, "KJ-500 uzaqmənzilli radar aşkarlayan təyyarələri daxildir. Bunlardan 10 təyyarə Tayvan boğazının median xəttini keçərək adanın mərkəzi və cənub-qərb hissəsində yerləşən hava hücumundan müdafiə identifikasiyası zonasına daxil olub.
Qeyd edilir ki, Tayvan ordusu hədəfləri izləmək üçün təyyarələr, gəmilər və yerüstü zenit-raket sistemlərindən istifadə etməklə cavab verib.///tass