"WhatsApp"ın yeni funksiyası yazışmalarınız üçün parol təyin etməyə imkan verəcək
Ucnoqta.az xəbər verir ki, “WhatsApp” messencerində istifadəçilərin mesajlarının məxfilik səviyyəsini artıracaq yeni funksiya təqdim edilib. O, "Söhbətin bağlanması" adını alıb.
Müəyyən bir söhbəti "bağladıqdan" sonra o, ayrı bir qovluğa köçürüləcək. Sonradan söhbəti açmaq və yazışmaları oxumaq üçün smartfonunuzdan parol daxil etməli və ya barmaq izi kimi biometrik girişdən istifadə etməlisiniz. Bundan əlavə, bu söhbətdən gələn bildirişlər əsas ekranda göstərilməyəcək.
“Biz düşünürük ki, bu funksiya nədənsə telefonunuzu sevdiyiniz insana və ya hər hansı digər şəxsə təhvil verdiyiniz və elə həmin anda çox şəxsi mesaj aldığınız vəziyyətlərdə faydalı olacaq”, – messencerin yaradıcıları bildiriblər.
Bundan əlavə, qoşulmuş cihazlarda söhbətləri bağlamağa imkan verən yeni funksiya, həmçinin telefon parolu əvəzinə istifadə oluna bilən unikal parolun yaradılması elan edilib.