7
Ukrayna həlak olan daha 82 ukraynalı hərbçinin cəsədini qaytarıb.
Ucnoqta.az xəbər verir ki, bu barədə Ukraynanın Müvəqqəti İşğal Olunmuş Ərazilərinin Reinteqrasiyası Nazirliyi məlumat verib.
Ukraynanın müvəqqəti işğal olunmuş ərazilərindən cəsədlərin təhvil verilməsi Reinteqrasiya Nazirliyi yanında İtkin Düşmüş Şəxslər üzrə Müvəkkil İdarəsinin yardımı ilə hüquq-mühafizə orqanları ilə birgə həyata keçirilib.
Bildirilib ki, Ukraynanın ölən müdafiəçilərinin cəsədlərinin təhvil verilməsi Cenevrə Konvensiyasının normalarına uyğun olaraq həyata keçirilir.