Güclü külək Qəbələdə məktəbin damını uçurub

Qəbələdə ötən günün ikinci yarısından başlayan külək sonradan güclənib. Nəticədə şəhər məktəblərindən birinin dam örtüyünün bir hissəsini uçurub.

Bu barədə Bizim.media-ya rayon təhsil sektorundan məlumat verilib. 

Bildirilir ki, şiddətli külək nəticəsində Qəbələ şəhər Pərviz Osmanov adına 2 nömrəli tam orta məktəbin dam örtüyünə ciddi ziyan dəyib. Damın bir hissəsini külək dağıdıb.

Hadisə axşama doğru olduğundan xəsarət alan olmayıb.