Türkiyə prezidenti Rəcəb Tayyib Ərdoğan cümə günü NATO-nun baş katibi Yens Stoltenberqə Ankaranın Finlandiyanın Şimali Atlantika Alyansına qoşulmaq üçün müraciətini ratifikasiya etməyə başlaması barədə məlumat verib.
Ucnoqta.az xəbər verir ki, bu barədə Türkiyə Prezident Administrasiyası məlumat yayıb.
"Danışıqlar zamanı Finlandiya və İsveçin NATO-ya qəbul prosesi ilə bağlı baş verənlər müzakirə edilib. Prezident Ərdoğan Finlandiyanın bu prosesdə münasibəti ilə İsveçdən müsbət şəkildə fərqləndiyini və Türkiyənin Finlandiya ilə bağlı protokolun təsdiqi prosesinə başlamaq qərarına gəldiyini bildirib”, – ofisdə qeyd olunub.
Bundan əlavə, Ərdoğan Stoltenberqə İsveçin NATO-ya daxil olması məsələsi ilə bağlı “danışıqları davam etdirmək” niyyəti barədə məlumat verib. Türkiyə prezidentinin sözlərinə görə, “bu prosesin inkişafı birbaşa İsveçin atacağı konkret addımlardan asılı olacaq”.