Bu gün futbol üzrə UEFA Çempionlar Liqasında III təsnifat mərhələsinə start veriləcək.
Ucnoqta.az xəbər verir ki, ilk oyun günündə 5 qarşılaşma baş tutacaq.
Açılış matçında "Şerif" Moldovada Çexiyanın "Viktoriya" (Plzen) komandasını qəbul edəcək.
Azərbaycan millisinin hücumçusu Mahir Emrelinin çıxış etdiyi Xorvatiyanın "Dinamo" (Zaqreb) klubu Bolqarıstanda "Lüdoqorets"in qonağı olacaq. 25 yaşlı forvard zədə səbəbindən bu görüşdə iştirak edə bilməyəcək.
Niderland PSV-si Fransada "Monako" ilə, Şotlandiya "Reyncers"i Belçikada "Yunion" ilə, Danimarka "Midtüllan"ı isə Portuqaliyada "Benfika" ilə üz-üzə gələcək.
Çempionlar Liqası
III təsnifat mərhələsi, ilk oyunlar
2 avqust
21:00. "Şerif" (Moldova) – "Viktoriya" (Plzen, Çexiya)
21:45. "Lüdoqorets" (Bolqarıstan) – "Dinamo" (Zaqreb, Xorvatiya)
22:00. "Monako" (Fransa) – PSV (Niderland)
22:45. "Yunion" (Belçika) – "Reyncers" (Şotlandiya)
23:00. "Benfika" (Portuqaliya) – "Midtüllann" (Danimarka)
Qeyd edək ki, Çempionlar Liqasında III təsnifat mərhələsinin digər 5 oyunu avqustun 3-də keçiriləcək. Azərbaycan çempionu "Qarabağ" Bakıda Macarıstan "Ferentsvaroş"unu qəbul edəcək.///report