Növbəti köç karvanı Xankəndi şəhərinə çatıb.
Ucnoqta.az xəbər verir ki, “Böyük Qayıdış” proqramı çərçivəsində səhər saatlarında yola salınan köç karvanı ilə 22 ailə, ümumilikdə 102 nəfər Xankəndi şəhərinə çatıb.
Mənzil başına çatan ailələrə sahib olduqları mənzillərin açarları təqdim edilib.
07:44
Prezident İlham Əliyevin tapşırığına uyğun olaraq, işğaldan azad edilmiş ərazilərə Böyük Qayıdış prosesi davam etdirilir.
Ucnoqta.az xəbər verir ki, bu mərhələdə Xankəndi şəhərinə 22 ailə – 102 nəfər köçürülüb. Köç edən ailələr respublikanın müxtəlif ərazilərində, əsasən yataqxana, sanatoriya və inzibati binalarda müvəqqəti məskunlaşmış sakinlərdən ibarətdir.
Doğma yurda qayıdan sakinlər göstərilən dövlət qayğısına görə Prezident İlham Əliyevə və Birinci vitse-prezident Mehriban Əliyevaya təşəkkürlərini bildiriblər.
Onlar, həmçinin Azərbaycan torpaqlarını işğaldan azad edən Azərbaycan Ordusuna, qəhrəman əsgər və zabitlərə minnətdarlıqlarını ifadə edib, Vətən uğrunda canlarından keçən şəhidlərə rəhmət diləyiblər.