0
Ukraynalı tanınmış boksçu Vladimir Virçis 49 yaşında dünyasını dəyişib.
"Report" yerli mətbuata istinadən xəbər verir ki, idmançı intihar edib.
Onun son vaxtlar depressiyadan əziyyət çəkdiyi bildirilib.
Qeyd edək ki, peşəkar boksda 1999-cu ildə debüt etmiş Virçis 2003-2004-cü illərdə ağır çəkidə IBF versiyası üzrə qitələrarası çempion olub. Boksçu bu uğurunu 2005 – 2006-cı illərdə WBO versiyası üzrə çempion olmaqla təkrarlayıb. Peşəkar rinqdə 27 döyüş keçirmiş mərhum idmançı 25 qələbə qazanıb, 2 dəfə isə məğlub olub.