1
Qazax rayonunda piyadanın ölümü ilə nəticələnən yol-nəqliyyat hadisəsi baş verib.
"Report"un məlumatına görə, hadisə rayonun Daş Salahlı kəndində qeydə alınıb.
Belə ki, Qazax sakini Eldar İsgəndərov idarə etdiyi "Opel" markalı avtomobillə anası, 1958-ci il təvəllüdlü Nərminə İsgəndərovanı vurub. O, aldığı xəsarətlərdən dünyasını dəyişib.
İlkin məlumata görə, hadisə ehtiyatsızlıq nəticəsində baş verib.
Faktla bağlı araşdırma aparılır.