Tayvan hakimiyyəti "Bavi" supertayfunu yaxınlaşdıqca böyük şəhərlərdə və bəzi qraflıqlarda məktəblərin və dövlət idarələrinin bağlandığını elan edib.
Ucnoqta.az xəbər verir ki, Focus Taiwan xəbər portalının məlumatına görə, bu tədbirlər Taybey, Yeni Taybey, Keelunq, Taoyuan, Hsinçu, Tayçunq şəhərlərinə və adanın şimal, şimal-şərq və şərqindəki qraflıqlara şamil edilir.
"Bavi"də 50 m/s-ə qədər külək olacağı gözlənilir.
Mütəxəssislər tayfunun Tayvanın şimalındakı dağlıq bölgələrə 900 mm-ə qədər yağış gətirəcəyini, alçaq ərazilərdə isə 500-700 mm-ə qədər yağış yağacağını proqnozlaşdırırlar. Hakimiyyət orqanları həmçinin Pinqtunq, Yilan, Hualien və Taytunq qraflıqlarının sahillərində 6 m-dən çox hündürlükdə dalğalar barədə xəbərdarlıq ediblər. Bütün gəmilərə dənizə çıxmamaq tövsiyə olunur.