Bağdadın İranpərəst milislərə maliyyə dəstəyini dayandıracağına söz verməsindən sonra ABŞ hökuməti İraqa dollar əskinaslarının tədarükünü bərpa edib.
Ucnoqta.az xəbər verir ki, bu barədə The Wall Street Journal (WSJ) ABŞ və İraq rəsmilərinə istinadən məlumat yayıb.
WSJ-nin məlumatına görə, fevral ayında dayandırılan İraq neft gəlirlərindən əldə edilən Nyu-York Federal Ehtiyat Bankındakı hesablardan əskinasların tədarükü ötən ayın sonlarında bərpa olunub.
Bağdad öz növbəsində ABŞ hökumətinə "İranın və müttəfiqlərinin valyuta mübadiləsi müəssisələrindən dollar almasının qarşısını almaq üçün tədbirlər görəcəyinə" və İranpərəst milislərin nağd ödənişlər almasının qarşısını alacağına söz verib.
Nəşr qeyd edir ki, İraq Baş naziri Əli əl-Zeydinin bu ay Vaşinqtona səfər etməsi gözlənilir.
ABŞ-ın 2003-cü ildə İraqa hücumundan sonra İraq neft satışından əldə edilən gəlirlər Nyu-York Federal Ehtiyat Bankında saxlanılmağa başlayıb. Lakin, 2015-ci ildə ABŞ bəzi vəsaitlərin İslam Dövləti (İŞİD) terrorçu qrupunun əlinə keçməsindən şübhələnildiyi üçün İraqa nağd pul köçürmələrini müvəqqəti olaraq dayandırıb.