ABŞ prezidenti Donald Trampın hərbi xərclərin artırılması ilə bağlı fikir ayrılıqları fonunda krallığın NATO-dan mümkün çıxarılması ilə bağlı açıqlamalarına baxmayaraq, İspaniya hökuməti müdafiə xərcləri ilə bağlı mövqeyini dəyişmək niyyətində deyil.
Ucnoqta.az xəbər verir ki, bunu İspaniyanın nəqliyyat naziri Oskar Puente deyib.
İspaniyalı nazir qeyd edib ki, NATO müqaviləsi aydın şəkildə müəyyən edilib, ona görə də “bir ölkənin çıxarılıb-çıxarılmaması ilə bağlı imkanlar aydındır”, Tramp isə bunları bilmir.
Puente əlavə edib ki, İspaniya öz beynəlxalq öhdəliklərinə əməl edən ölkədir.
Nazir qeyd edib ki, Madrid hazırda müdafiə sahəsinə “ÜDM-in 2%-ni sərmayə qoymaqla NATO öhdəliklərini yerinə yetirmək iqtidarındadır” və bu, kifayətdir. "Bu, dəyişmək fikrində deyilik", - deyə nazir yekunlaşdırıb.
Oktyabrın 9-da Amerika lideri Vaşinqtonun müdafiə xərclərini kifayət qədər hesab etmədiyinə görə İspaniyanın NATO-dan çıxarılmasının lazım ola biləcəyini təklif edib.