1
Göyçayda piyadanın vurulması ilə nəticələnən yol-nəqliyyat hadisəsi baş verib.
Hadisə bu gün saat 14:00 radələrində Göyçay şəhəri, Heydər Əliyev prospektində yerləşən Göyçay Dövlət İdarəetmə və Texnologiya Kollecinin qarşısında qeydə alınıb. "VAZ 2107" markalı minik avtomobili hərəkətdə olarkən yolu keçən piyada, kollecin tələbəsi, 2004-cü il təvəllüdlü Məmmədov Əli İlqar oğlunu vurub. Yaralı təcili olaraq Göyçay rayon Mərkəzi Xəstəxanasına aparılıb.
Qəza törədən sürücü hadisə yerindən qaçıb.
Faktla bağlı Göyçay rayon Polis Şöbəsi tərəfindən araşdırma aparılır. /Apa