Qaşıqçı cinayətində daha bir detal – Bişməmiş ət sifariş olunub

İstanbulda səudiyyə ərəbistanlı jurnalist Camal Qaşıqçını qətlə yetirən komanda cinayətin ardından konsulluq binasına 32 porsiya bişməmiş ət sifariş edib.

“Qafqazinfo” Türkiyə mediasına istinadən xəbər verir ki, İstanbul Təhlükəszilik Müdirliyi hazırladığı 1 illik hesabatda dəlillərin konsulluq binasında yerləşən təndirdə yandırılaraq yox edildiyi bildirilir:
“Binanın ərazisində 3 quyu var. 2-si su quyusudur, biri isə DNT nümunələrini belə məhv edə biləcək temperaturu olan təndirdir. Qaşıqçını öldürdükdən sonra 32 porsiya bişməmiş ət sifariş edilib. İstər-istəməz ağıla belə sual gəlir: Təndirdə ət bişirmək əvvəlcədən hazırlanan planın bir hissəsiydi? Əlbəttə, bu suallar bir gün aydınlanacaq”.