“Bir daha bildirirəm ki, aramızda heç vaxt qapalı mövzu olmayacaq”
"Azərbaycan ilə Belarusun bütün sahələrdə yaxşı münasibətləri var". “Report” BelTA-ya istinadən xəbər verir ki, bunu Minsk şəhərində azərbaycanlı həmkarı İlham Əliyevlə görüşü zamanı Belarus Prezidenti Aleksandr Lukaşenko bildirib.
“Bizim ölkəmizə gəldiyinizə sevindim. Söhbət üçün mövzular var. Aramızda bütün sahələrdə – həm iqtisadi-ticari sahədə, həm siyasi, həm də hərbi sahədə yaxşı münasibətlər var. Amma bu münasibətlərə əlavə etməli, irəli aparmalı məsələlər də var”, – Belarusun dövlət başçısı deyib.
A.Lukaşenko vurğulayıb ki, Belarusda yolunuzu gözləmişik: "Bir daha bildirir və təsdiq edirəm ki, aramızda heç vaxt qapalı mövzular olmayacaq. Biz bir dövlətdə yaşamışıq. Sizinlə çox yaxın insanlarıq”.