1
Futbolda 11 metrlik cərimə zərbəsi ilə bağlı qaydalara dəyişiklik edilə bilər.
Qol.az-ın Hollandiya mətbuatına istinadən yaydığı xəbərə görə, FİFA bu məsələni müzakirə etməyə hazırlaşır. Təklif olunan yenilikdə penalti zərbəsi zamanı top qapıya daxil olmayıbsa, futbolçular tərəfindən ikinci toxunuşa icazə verilmir və oyun qapıdan zərbə ilə başlamalıdır.
Qeyd edək ki, hazırkı qaydaya əsasən, qapıçıdan və ya dirəkdən qayıdan topu penalti zərbəsini yerinə yetirən, yaxu da onun hansısa komanda yoldaşı təkrar zərbə ilə qapıdan keçirə bilər.