0
İsrail hərbçiləri Qəzza zolağını atəşə tutub.
Ucnoqta.az APA-ya istinadən xəbər verir ki, bu barədə İsrail müdafiə ordusunun “Tvitter”ində məlumat yayılıb.
Məlumata əsasən, İsrail ordusunun tankı Qəzza zolağının cənub hissəsində HƏMAS-ın iki hərbi postunu atəşə tutub.
Ölən və yaralananlar barədə məlumat verilmir.
Qeyd edək ki, ABŞ-ın İsraildəki səfirliyi mayın 14-də Təl-Əvivdən Qüdsə köçürülüb. Bu, həm də İsrail dövlətinin yaradılmasının 70-ci ildönümünə təsadüf edib. Fələstinlilər ABŞ səfirliyinin Qüdsə köçürülməsi və İsrail dövlətinin yaradılması ilə bağlı Qəzza sərhədində aksiya keçirib. İsrail hərbçilərinin aksiyaçıları atəşə tutması nəticəsində 61 fələstinli ölüb, 3000-dən çox fələstinli yaralanıb.