1
İran Transanadolu qaz kəməri (TANAP) vasitəsilə layihə iştirakçıları üçün səmərəli qiymət və şərtlərin müəyyənləşdiriləcəyi təqdirdə qaz ixracını təşkil edə bilər.
Ucnoqta.az Trend-ə istinadən xəbər verir ki, bunu Türkiyənin “Petform” şirkətinin baş mütəxəssisi Gökhan Soruş deyib. O qeyd edib ki, İran TANAP-a qoşulmağı qərara alarsa, o zaman müvafiq infrastrukturun yaradılması üçün genişmiqyaslı iş aparmalı olacaq. Bunun üçün isə İrana böyük investisiyalar tələb olunacaq:
“Avropaya tədarükün diversifikasiyalaşdırılması üçün İranın kifayət qədər qaz ehtiyatı var, TANAP hazırda planlaşdırılan həcmdən daha çox qaz nəql etmək imkanına malikdir. İlk növbədə tərəflər arasında səmərəli şərtlər müəyyən edilməlidir”.