1
Rusiyanın Ufa şəhəri ilə Bakı arasında birbaşa aviareyslər açılır.
"Ucnoqta.az" "Ölkə.Az"a istinadən xəbər verir ki, uçuşları "Saratov Hava Yolları" şirkəti öz üzərinə götürüb. Artıq şirkət biletləri də satışa çıxarıb.
Ufa-Bakı-Ufa reysləri həftənin cümə axşamları yerinə yetiriləcək. Sərnişinlər 29 mart tarixindən etibarən "AN-148" təyyarələri ilə bu reysin xidmətindən yararlanacaqlar.
Təyyarələr cümə günü saat 00:15-də Bakı hava limanına eniş edəcək. Uçuş vaxtı 3 saat 20 dəqiqədir. Ufaya isə, 05:40 radələrində havaya qalxan təyyarə 10:00-da hava limanına enəcək.
Hər iki istiqamətdə uçuş biletinin promo-tarif üzrə minimal qiyməti təqribən 600 manat (20 516 rubl) təşkil edir.