Əfqanıstanda “Save the Children” təşkilatının ofisinə silahlı hücum – 11 yaralı

Əfqanıstanın Cəlalabad şəhərində silahlı şəxslər "Save the Children” beynəlxalq təşkilatının ofisinə hücum edib.
 

"Ucnoqta.az" “Qafqazinfo”ya istinadən xəbər verir ki, nəticədə 11 nəfər yaralanıb. 
 

Bu gün səhər terrorçu-kamikadzə binanın girişi qarşısında partlayıcını işə salıb. Daha sonra ofisin ərazisinə silahlı şəxslər daxil olublar.  Əyalət qubernatorunun sözlərinə görə, silahlı şəxslərlə hüquq-mühafizə orqanları əməkdaşları arasında qarşıdurma davam edir. 
 

Qeyd edilir ki, hüquq müdafiəçilərinin ofislərinin yaxınlığında məktəb yerləşir. Atışma zamanı bəzi uşaqlar ərazini tərk ediblər.